Open Air Lumnezia

La 22avla ediziun digl Open Air Lumnezia ha giu liug per l’emprema ga sil territori da Degen. La dislocaziun dil pli grond Open Air dil Grischun da Cuschnaus a Degen ha succediu cunzun ord motivs da restricziun dallas pusseivladads logisticas silla plazza veglia. Cul diember da visitaders contonschiu els davos quater onns da mintgamai 10’000 era il cunfin suprem a Cuschnaus ord motivs topografics contonschius. In engrondiment resp. ina meglieraziun dall’entira infrastructura ei buc pli stada pusseivla. La nova cuntrada porscha la pusseivladad da sviluppar vinavon il festival a moda qualitativa.

La finamira ei denton buc da mutar tier in event gigantic, mobein da restar vinavon il grond Open Air en format pign. Amiez 360 grad bellezia muntognas, sin ina planira el center dalla val dalla glisch, numnau Val Lumnezia, ha mintg’onn liug in ferm toc historia digl Open Air svizzer. Igl Open Air Lumnezia, il pli grond festival en format pign.

 

Open Air Lumnezia

Open Air Lumnezia
Sutvitg 227A
7144 Vella

+41 (0)81 252 22 32
infoopenair-lumneziach
www.openair-lumnezia.ch