Novitads uffeci forestal Lumnezia

22.04.2019 , Uffeci forestal Lumnezia

Mesiras agraras qualitad dalla cuntrada / uaul privat

Per mesiras forestalas che pertuccan la qualitad dalla cuntrada (tgira dils urs d’uaul, tgira da seivs vivas, allontanament da caglias…) vala la suandonta procedura:

  1. Il pur annunzia al selvicultur da revier mintgamai entochen ils 30 d’avrel culs formulars correspundents digl uffeci per agricultura e geoinformaziun (UAG) tuttas mesiras forestalas ch’el vul exequir la sesiun da tgira vegnenta (p.r. october entochen mars). Las mesiras ston esser cumpigliadas en sia cunvegnientscha cugl UAG ed el Geoportal. El formular d’annunzia ein sulettamein las datas da basa (tgietschen) d’emplenir ora. Il formular ei tenor form.-cefra 5 da dar giu ni tarmetter per mail al selvicultur da revier senza suttascripziun denton cun aschuntas.
    Ils formulars ein d’anflar sut www.alg.gr.ch sut Documentaziun/Formulars – Mesiras agricolas – Formulars/Contracts – Formulars d’annunzia – Qualitad dalla cuntrada.
  2. Il selvicultur da revier tarmetta ils formulars d’annunzia culla part blaua emplenida agl UAG. La discussiun dallas mesiras planisadas culla persuna executiva (pur e/ni persuna incaricada) succeda cuort avon l’execuziun dallas lavurs.
  3. Igl UAG tarmetta anavos ils fomulars al pur, communichescha la dimensiun dall’indemnisaziun e dat aschia liber l’intervenziun.
  4. Suenter l’execuziun dallas lavurs, sil pli tard denton entochen ils 30 d’avrel, annunzia il pur la finiziun dallas lavurs al selvicultur da revier. Cheutier surdat el ils formulars cullas aschuntas necessarias tenor form.-cefra 9 (incl. niev formular «Lavurs prestadas…» www.alg.gr.ch). A caschun d’ina collaudaziun communabla vegn la lavur valetada (part verda dil formular) e la surfatscha da tgira ch’ei vegnida tractada vegn registrada sil plan aschuntau. Il selvicultur da revier tarmetta ils formulars danovamein agl UAG (copia al pur). L’indemnisaziun vegn fixada entras igl UAG ed il pagament succeda lu el november culs pagaments directs.

    Las collaudaziuns 2018/2019 succedan quest onn duront la secunda e tiarz’jamna d’avrel!

Responsabels per las mesiras forestalas che pertuccan la qualitad dalla cuntrada sco era per tuttas ulteriuras utilisaziuns da lenna egl uaul privat ella vischnaunca Lumnezia ei il selvicultur da revier Andreas Clavadetscher.
E-mail fadri.beelilumneziach, tel. 079 536 61 82 – vala entochen ils 30.04.2019!

Damondas per signar lenna egl uaul privat ein mintgamai da tschentar in meins ordavon (signar a pli cuorta vesta ei pusseivel mo buca garantiu).

La medema persuna da contact prenda era encunter annunzias davart observaziuns da fiug bacterial, neofitas e parasits d’uaul.

Mesiras buca forestalas che pertuccan la qualitad dalla cuntrada (fontaunas, seivs, tagl da sanaziun…) ein mintgamai d’annunziar direct agl UAG entochen sil pli tard ils 31 d’uost (formular d’annunzia per mesiras buca forestalas).

  • Annunzia: Egl onn precedent, avon l’execuziun, tier contribuziuns per tuttas mesiras unicas buca forestalas da sur CHF 2‘000/onn/menaschi.
  • Annunzia da finiziun: Cun suttascripziun digl incumbensader da terren dalla vischnaunca, cau dil departament Martin Sgier (aschuntar fotografia ord l’aria e foto dalla lavur).

Uffeci forestal Lumnezia

 

 

 

 

 

Uffeci forestal

Uffeci forestal Lumnezia
Hans Müller
Palius 32D
Caum postal 54
7144 Vella

+41 (0)79 407 52 16
hans.muellerlumneziach