24.04.2017 , Departament da construcziun, traffic e selvicultura dal Grischun

Exposiziun publica d’in project da via e la dumonda da runcar

747.00 via da la Lumnezia / Correcziun da la via Valgronda - Cumbel km 6.00 - km 7.00 / Project d’exposiziun nr. 747.00.3893 dal favrer 2017

1.    Lieu e termin da l’exposiziun
Las actas dal project  e la dumonda da runcar èn exponids dals 24 d'avrigl 2017 fin ils
24 da matg 2017 en l’administraziun communala, vischnanca da Lumnezia, Palius 32D, 7144 Vella, per prender invista (art. 20 da la lescha chantunala davart las vias, LVias; DG 807.100). Durant il temp d’exposiziun pon ils documents exponids er vegnir consultads e chargiads giu qua. La nova axa da la via (mellen) e las lingias da construcziun (blau) èn stajadas respectivamain marcadas en la cuntrada.

2.    Dumondas da permissiuns spezialas
Las suandantas dumondas èn ina part dal project d’exposiziun:

  • dumonda da survegnir la permissiun per inducir u per laschar sfundrar aua persa smerdada tractada tenor l’art. 7 al. 1 da la lescha federala davart la protecziun da las auas
  • dumonda da survegnir la permissiun per inducir aua persa betg smerdada en in’aua da surfatscha tenor l’art. 7 al. 2 da la lescha federala davart la protecziun da las auas
  • dumonda da survegnir la permissiun per cuvrir auas currentas u per metter auas currentas en bischens tenor l’art. 38 al. 2 da la lescha federala davart la protecziun da las auas
  • dumonda da survegnir la permissiun per allontanar la vegetaziun da las rivas tenor l’art. 22 al. 2 da la lescha federala davart la protecziun da la natira e da la patria
  • dumonda da survegnir la permissiun per allontanar u per pregiuditgar essenzialmain saivs vivas e chagliom tenor l’art. 17a al. 1 da la lescha chantunala davart la protecziun da la natira e da la patria
  • dumonda da runcar tenor l’art. 5 da la lescha federala davart il guaud
  • dumonda da survegnir la permissiun tenor la legislaziun da pestga per far intervenziuns tecnicas en las auas tenor l’art. 8 al. 1 da la lescha federala davart la pestga
  • dumonda da survegnir la permissiun da la polizia da construcziuns idraulicas tenor l’art. 22 al. 1 da la lescha chantunala davart la correcziun dals curs d’aua

3.    Restricziun dal dretg da disponer
A partir dal di che l’exposiziun è vegnida publitgada uffizialmain dovran ils projects da construcziun entaifer il territori ch’è cumpiglià dal project ina permissiun dal departament da construcziun, traffic e selvicultura dal chantun Grischun. Quella vegn concedida, sch’il project da construcziun n’ha naginas consequenzas engrevgiantas per acquistar il terren u per realisar il project.

4.    Protestas
4.1    Legitimaziun
Tgi ch’è pertutgà dal project d’exposiziun e po far valair in interess degn da vegnir protegì per abolir u per midar quel, ha il dretg da far protesta. Il dretg da far protesta han plinavant las vischnancas pertutgadas e tgi ch’è autorisà tras il dretg federal da far quai.

4.2    Objecziuns
I pon vegnir fatgas valair:
a) objecziuns cunter il project d’exposiziun e cunter las dumondas per ulteriuras permissiuns ch’èn colliadas cun quel sco er cunter in’expropriaziun previsa e cunter sia dimensiun;
b) dumondas d’indemnisaziun, cunzunt pretensiuns per ils dretgs che vegnan fatgs valair ed autras pretensiuns che resultan dal dretg chantunal d’expropriaziun. La rectificaziun da questas dumondas vegn fatga suenter l’approvaziun dal project en la procedura per l’acquist da terren.

4.3    Termin ed adressat
Protestas ston vegnir inoltradas entaifer il termin d’exposiziun cun ina curta motivaziun al departament da construcziun, traffic e selvicultura dal Grischun, Stadtgartenweg 11, 7000 Cuira.

Sche pretensiuns d’indemnisaziun vegnan fatgas valair posteriuramain, ston vegnir observadas las consequenzas da la negligientscha tenor l’art. 17 da l’ordinaziun chantunala d’expropriaziun (OExp; DG 803.110).

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha