26.09.2017 , Vischnaunca Lumnezia

Gratulaziun als dus Lumnezians Nino Schurter e Vital Albin

Nino Schurter ha encorunau sia stagiun perfetga cun il tetel da campiun mundial suenter haver gudignau tut las sis cuorsas dalla cuppa mundiala. A Cairns el nord-ost dall'Australia ha il mountainbiker da Tersnaus defendiu siu tetel ed ei daventaus per la sisavla gada campiun mundial ella disciplina cross-country.

Era il secund Lumnezian, Vital Albin, ha mussau al campiunadi mundial ina fetg buna prestaziun cun siu 16avel plaz ella cuorsa dils U23. El ei partius uonn per l'emprema gada en questa categoria ed ei staus il meglier da tut ils participonts sut 20 onns.

Ils 12 da settember ha ina delegaziun dalla vischnaunca Lumnezia fatg beinvegni als grondius sportists tier l'arrivada a Kloten per aschia honorar las oreifras prestaziuns. La suprastonza communala e la populaziun dalla vischnaunca Lumnezia gratuleschan cordialmein al campiun mundial, Nino Schurter, sco era al giuven talent, Vital Albin. Preziau Nino, preziau Vital, nus essan loschs sin vus.

Dapli davart il sponsoring da Vital Albin

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha