24.10.2017 , Suprastonza communala Lumnezia

Invitaziun all’occurrenza d’informaziun

Lescha pil manteniment dallas ovras da meglieraziun per la vischnaunca Lumnezia

Tenor il contract da fusiun per la vischnaunca Lumnezia dils 25 da matg 2012 unifichescha la vischnaunca fusiunada sia legislaziun aschispert sco pusseivel, sil pli tard denton enteifer in temps da tschun onns. Entochen l’entrada en vigur da tala applichescha la suprastonza communala transitoriamein per mintga territori communal la legislaziun veglia.

El mument valan aunc ils otg reglaments pil manteniment dallas ovras da meglieraziun dallas vischnauncas da Cumbel, Degen, Lumbrein, Morissen, Suraua, Vella, Vignogn e Vrin. La suprastonza communala preveda da suttametter la nova lescha pil manteniment dallas ovras da meglieraziun per la vischnaunca Lumnezia il december 2017 alla radunonza communala ed ils 04 da mars 2018 alla cuminonza dils votants all’urna. Ordavon vegn quella lescha presentada ell’occurrenza d’informaziun, che ha liug

mardis, ils 24 d’october 2017 allas 20:00 uras
ell’aula dalla casa da scola Sutvitg a Vella.

Il sboz dalla lescha sa vegnir retratgs al spurtegl dall’administraziun communala Lumnezia ni cargaus giu cheu.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha