10.03.2017 , Uffeci forestal Lumnezia

Lenna gratuita, lenna manecla e lenna giud cuscha

Lenna gratuita, lenna manecla e lenna giud cuscha sa vegnir retratga tenor las suandontas informaziuns.

Lenna gratuita
El territori Gloriet, Camuns ein vegnidas exequidas il december lavurs vid la tgira dad uauls giuvens. La lenna plunada vegn surdada gratuitamein (digl uaul, derasau). Praus e vias ein da schar anavos schuber.
Interessents s‘annunzian entochen sil pli tard ils 31 da mars 2017 tier il selvicultur da revier Andreas Clavadetscher, andreas.clavadetscherlumneziach, Tel. 079 465 22 88. Lenna che vegn duvrada sco pals per seivs electronicas astga vegnir retratga naven d’immediat senza preannunzia. Carrar la via ei lubiu per transportar la lenna, denton mo sch’igl ei schetg.

Lenna manecla
Lenna secca sidretg ni per tiara cun in diameter da meins che 16 cm sco era roma, scorsas, restonzas da tagls e tocca singula sa vegnir rimnau sco lenna manedla gratuitamein en tuts uauls dalla vischnaunca Lumnezia. Tier tagls da lenna eis ei scumandau da rimnar lenna duront ch’ei vegn luvrau.

Lenna giud cuscha
Singulas plontas (lenna secca sidretg ni per tiara) vegnan dadas giu favoreivlamein per luvrar si sez. Interessents per tala lenna da diever ni da brisch giud cuscha san s’annunziar tier igl uffeci forestal.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha