29.04.2017 , Administraziun communala Lumnezia

Rumians blocconts

El decuors digl avrel/matg vegnan ils rumians blocconts rimnai els singuls vischinadis sco suonda:

Temps: mintgamai la sonda denter las 8.30 e las 11.00 uras

Suraua, ils 29-04-2017: Plaz deponia Suadetsch
Cumbel, ils 29-04-2017: Parcadi luvratori communal
Morissen, ils 06-05-2017: Mulin
Vella, ils 06-05-2017: Parcadi Bual (sut il plaz da ballapei)
Degen, ils 13-05-2017: Gruoba
Vignogn, ils 13-05-2017: Plaz Cadruvi
Lumbrein, ils 20-05-2017: Plaz dado Crappera
Vrin, ils 20-05-2017: Tui

  • Tgi che porta uorden duei zavrar la rauba da fier digl ulteriur rufid e cargar mintgamai el carr destinau persuenter.
  • Lubiu da deponer ein rumians gronds ord il tenercasa privat.
  • Scumandau da deponer ein rauba da plazzals da baghegiar, disfatgas da baghetgs (stuors, lenna), rumidas da casas ni clavaus, mobiglias da gronda dimensiun, maschinas agricolas, plastics da silo, launa nuorsa.
  • Apparaturas d’electro incl. frestgeras/schelenteras, maschinas da lavar, vegnan pridas encunter a caschun dalla rimnada. Recumandau vegn denton da deponer talas apparaturas tier la viafier retica a Glion ni tier la deponia regiunala Plaun Grond a Rueun. Quellas vegnan pridas encunter leu sur onn gratuitamein.
  • Per la deponia da pneus ein las suandontas taxas da pagar directamein tier la deponia:
    pneus senza gaveglias: CHF 6.00 il toc / pneus cun gaveglias: CHF 11.00 il toc

Nus supplichein da risguardar ch’il material d’entiras habitaziuns e casas ei da transportar directamein sin la deponia regiunala a Plaun Grond. Plinavon ei tut quei ch’ins sa emplenir el sac da rumien da dismetter sco rumien da casa.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha