10.12.2017 , Suprastonza communala Lumnezia

Traffic public d’unviern gratuit entuorn il Mundaun

Las vischnauncas Lumnezia, Sursaissa Mundaun ed Ilanz/Glion sco era las pendicularas Sursaissa Mundaun porschan a Vus ella proxima stagiun d’unviern il diever gratuit digl auto da posta.

Naven dils 10-12-2017 entochen ils 02-04-2018 sa igl auto da posta sin las lingias Glion – Sursaissa Friggahüs (incl. bus da sport Sursaissa) e Glion – Vrin (incl. bus da sport ed ulteriuras lingias sil territori dalla vischnaunca Lumnezia) vegnir duvraus gratuit.

Indigens e possessurs da secundas habitaziuns el vischinadi da Suraua ston s’annunziar tier la canzlia communala Lumnezia per survegnir in abonnament gratuit. Quei per segirar ch’igl abonnament gratuit vegni duvraus mo sil territori dalla vischnaunca Lumnezia. Tut ils auters san far diever digl auto da posta gratuit senza mussar in bigliet ni ina carta.

Nus sperein da saver offerir a tuts ina purschida attractiva cul traffic public, seigi quei per contonscher cumadeivlamein il territori da skis, per planisar in viadi d’unviern cugl auto da posta ni per saver scuvierer la cuntrada entuorn il Mundaun.

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha