Publicaziun ufficiala

12.07.2019 , Uffeci forestal Lumnezia

CATSCHA: Annunzia da posts e tegias da laghetg

La vischnaunca Lumnezia inventarisescha tut ils posts da catscha e tut las tegias da laghetg sin il territori dalla vischnaunca.

Quei inventari gida agl uffeci forestal Lumnezia tier la planisaziun dallas lavurs da raccolta da lenna. La vischnaunca vuless evitar da donnegiar tals agids da catscha ed ei perquei dependents dil sustegn dils catschadurs.

Tut ils possessurs da posts da catscha, da tegias da laghetg e dad autras agids da catscha ein supplicai dad annunziar quels cun il formular sut il linc. Il formular en fuorma da pupi san ins bugen retrer tier la canzlia communala.
Per plascher era annunziar posts da catscha gia lubi.

Termin d’annunzia: Ils 27 d’october 2019 tier la canzlia Lumnezia.

Agids da catscha ch’ein buca annunziai entochen la fin d’october 2019 e disturban la raccolta da lenna vegnan allontanai tenor caschun.

La contrucziun da novs posts da catscha basegnan ina lubientscha dalla vischnaunca ed ein d’annunziar agl uffeci forestal.

Bugen dat igl uffeci forestal sclariment tier damondas e stat a disposiziun per propostas.

Grond engraziament per Vies agid.

Uffeci forestal Lumnezia

Linc sin il formular d'annunzia

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha