Publicaziun ufficiala

18.09.2019 , Suprastonza communala

Communicaziun lescha da baghegiar revidida

La Regenza Grischuna ha approbau la lescha da baghegiar vischnaunca Lumnezia unificada (senza Vrin).

La Regenza Grischuna ha approbau ils 11 da settember 2019 cun conclus nr. 666 en applicaziun digl art. 49 dalla Lescha davart la planisaziun dil territori per il cantun Grischun (LPTGR) la Lescha da baghegiar vischnaunca Lumnezia unificada (senza Vrin), approbada ils 5 d'october 2018 dalla radunonza commuala.

La Regenza ha fatg – tenor igl art. 49 al. 3 LPTGR - las suandontas correcturas formalas:

Igl art. 10 al. 2 Lescha da baghegiar attribuescha la cumpetenza da relaschar e da midar il plan general d'avertura (PGA) a l'autoritad da construcziun. Tenor igl'art. 48 al. 1 LPTGR ei quei buca lubiu. Tenor questa disposiziun sa la cumpetenza per il PGA vegnir surdada mo tras las votantas ed ils votants ad in cusseql communal (parlament communal). Igl ei scumandau tenor la LPTGR da surdar la cumpetenza a la suprastonza communala. Damai che la vischnanca da Lumnezia ha buca in cussegl (parlament) communal, sto la cumpetenza per il PGA pia restar tier las votantas ed ils votants (radunonza communala). Dil rest sto la noziun "autoritad da construcziun" vegnir remplazzada tras "suprastonza communala" (mira art. 48 al. 2 LPTGR).

Els plans da zonas dils vischinadis figureschan denter auter "zonas d'abitar" (ZA), "zonas d'abitar A" (ZAA), "zonas d'abitar B" (ZAB), "zonas d'abitar 2" (ZA2) e "zonas d'abitar 3" (ZA3). Egl art. 25 vegnan denton regladas mo "zona d'abitar", "zona d'abitar A" e "zona d'abitar B". El tetel digl art. 25 Lescha da baghegiar duei pia figurar analogamein al schema da zonas "Zona d'abitar, zona d'abitar A e B" (enstagl da "Zona d'abitar, zonas d'abitar A e B").

La Lescha da baghegiar vischnaunca Lumnezia ei vegnida approbada sco suonda:

Art. 10 Cumpetenza

Alinea 1: Cumpetenta per relaschar e per midar la lescha da baghegiar, il plan da zonas, il plan general d'avertura ed il plan general da furmaziun ei la radunonza communala.
Alinea 2: Cumpetenta per relaschar e per midar il plan d'areal ei la suprastonza communala.

Il tetel digl art. 25 vegn adattaus sco suonda: "Zona d'abitar, zona d'abitar A e B"

La vischnaunca vegn incumbensada da far el rom dalla revisiun totala dils plans d'utilisaziun, che sto tuttina aunc vegnir fatga, danovamein in'examinaziun dalla lescha da baghegiar el senn dallas consideraziuns, risguardond la revisiun dalla LPTGR dils 25 d'october 2018 ed il PDChantA dils 20 da mars 2018. Ei vegn constatau che las prescripziuns dalla LPTGR concernent la procedura, las cumpetenzas, la mobilisaziun da terren da construcziun e la cumpensaziun d'avantatgs e da disavantatgs da planisaziun han la precedenza enviers eventualas prescripziuns cuntradictoricas ella lescha communala da baghegiar.

La lescha da baghegiar approbada anfleis ed il conclus detagliau dalla Regenza anfleis sutvart.
Ei sa era vegnir priu investa dils documents duront las uras d'avertura en casa communala Lumnezia a Vella.

 

Lescha da baghegiar approbada

Conclus dalla Regenza Grischuna

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha