Publicaziun ufficiala

20.03.2020 , Administraziun communala Lumnezia

Coronavirus: Agid per persunas periclitadas

Uniuns dalla vischnaunca Lumnezia gidan Vus!

Preziada convischina, preziau convischin

Il cussegl federal ha declarau la situaziun en Svizra sco «situaziun extraordinaria». El ha scumandau da sentupar en gruppas da varga tschun persunas ella publicitad per frenar la derasaziun dil coronavirus.
Persunas periclitadas sco senior/as (65 onns +) ni era persunas sut 65 onns cun malsognas duein buca bandunar la casa.

Sche Vus duvreis agid da far cumissiuns, ir per medicaments, ir per la posta saveis Vus sedrizzar tier las suandontas persunas:

  • Cumbel: Romina Caduff 079 310 36 59
  • Lumbrein: Tino Solèr 078 834 19 72
  • Morissen: Armon Riedi 076 347 71 43 ni Flavia Riedi 079 253 76 07
  • Suraua: Uniun da dunnas, M. Loretz 079 456 31 10
  • Vella e Degen: Doris Alig 079 575 22 68 ni Michela Projer 076 387 71 45
  • Vignogn: Sonja Cavegn 079 786 70 38
  • Vrin: Selina Alig 078 712 07 96

Ils contacts ein era vegni publicai el Fegl ufficial dalla Surselva. Buca targlinei da dumandar. Ei vegn gidau bugen.

Nus supplichein Vus da setener vid las mesiras decretadas e da s’informar. Prioritad ha la sanadad dalla populaziun.

- Tener distanza d’autras persunas.
- Star a casa.
- Lavar bein e savens ils mauns cun savun.
- Sturnidar ni tuoscher en in fazalet ni ella foppa dil cumbel.
- Buca dar il maun in a l’auter.
- Adina telefonar avon ch’ir tiel miedi ni ella staziun d’urgenza.

La derasaziun dil coronavirus sa vegnir frenada mo sche tuts gidan e fan lur pusseivel.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha