Publicaziun ufficiala

20.10.2019 , Administraziun communala Lumnezia

Elecziuns dil cussegl naziunal e cussegl dils stans

ils 20 d'october 2019.

Il material da votar ei vegnius repartgius entras la posta. Persunas cun dretg da votar che han aunc buca retschiert quel, vegnan supplicadas da s’annunziar tier la canzlia communala Lumnezia.

Pusseivladads da votar

>    all'urna a Vella en casa communala

- gliendisdis, mardis, mesjamna, gievgia e venderdis, ils 14/10 – 18/10/2019 duront las uras da spurtegl
- dumengia, ils 20/10/2019 denter las 10.00 e las 11.00

>    per correspondenza en las scaffas da brevs dallas anteriuras casas communalas
els vischinadis da Cumbel, Degen, Lumbrein, Morissen, Suraua (Uors), Vella, Vignogn, Vrin
- entochen dumengia, ils 20/10/2019 allas 10.00

>    per correspondenza via posta
- entochen venderdis, ils 18/10/2019. La brev ei da francar e surdar alla posta baul avunda per che la distribuziun sappi succeder avon il gi da votaziun


Tier l’elecziun dil cussegl naziunal astga vegnir inoltrau mo in cedel electoral e buca igl entir cudischet cun tuts canditads. (Mira pagina 4 dil muossavia electoral)

Per la votaziun all'urna eis ei da presentar il certificat dil dretg da votar. Mintga votant/a sto ir persunalmein a votar, substituziuns ein buca lubidas.

Tier la votaziun per correspondenza ei d’emplenir ora ils cedels da votar e serrar quels en la cuviarta da votar grischa ni en ina cuviarta neutrala. Suttascriver la declaronza, senza suttascripziun ei la votaziun nunvaleivla. Metter la cuviarta da votar ed il certificat dil dretg da votar en la cuviarta alva che vus haveis retschiert cun il material da votar. La cuviarta ei da metter en scaffa da brevs dallas anteriuras casas communalas dils vischinadis entochen las 10.00 dil gi dalla votaziun ni dar francar e surdar alla posta baul avunda per che la distirubziun sappi succeder avon il gi da votaziun. 

Correcturas d’adressas ni giavischs per retrer las documentaziuns da votar en in auter lungatg ein da communicar alla canzlia communala Lumnezia.

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha