Publicaziun ufficiala

05.12.2018 , Scola Lumnezia

Occurrenzas cun participaziun dalla scola duront igl advent 2018

Egl advent 2018 han liug las suandontas occurrenzas:

Rorate a Morissen    
Ils 5 da december 2018 separticipeschan ils scolars dalla 3. tochen 6. primara al rorate cun cantar entginas canzuns.

Occurrenza d’advent a Vignogn
Gievgia, ils 13 da december 2018, allas 17.30 uras vendan ils scolars dalla 6. classa creflis ch’els han fatg sezs avon la Sentupada. Allas 18.00 uras fan els ina cuorta producziun cun cant e prelegian ina historia. Ils scolars e lur scolasta selegran da Vossa viseta.

Cant d’advent a Lumbrein
Gievgia, ils 20 da december 2018, allas 19.30 uras contan ils scolars dalla 4. tochen 9. classa entginas canzuns en baselgia. Ils scolars dalla 1. e 2. classa primara prelegian ina historietta illustrada cun maletgs. Suenter las producziuns offerescha l’uniun da dunnas Lumbrein in refrestg avon baselgia. Ei legrass nus zun fetg d’astgar beneventar ina gronda raspada tier nies cant d’advent.

Vendita da pigneuls
Ils scolars dil davos onn da scola vendan ils pigneuls en differents vischinadis dalla Lumnezia la gievgia, ils 20 da december 2018 allas suandontas uras:

Vrin: allas 14.00 uras sin plaz scola
Lumbrein: allas 14.00 uras sin plaz scola
Vignogn: allas 15.00 uras sper baselgia
Vella: allas 15.00 uras a Palius

Il recav dalla vendita va en favur dil scalem superiur dalla scola Lumnezia. Bien engraziament per Vies sustegn.

 

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha