Publicaziun ufficiala

01.12.2019 , Administraziun communala Lumnezia

Parcar sin plazs ed areals publics en la vischnaunca Lumnezia

Naven digl 1. da december 2019.

L’ordinaziun per il diever da parcadis publics en la vischnaunca Lumnezia ei vegnida approbada e messa en vigur ils 4 da mars 2019 entras la suprastonza communala.

La controlla pertuccont ils parcadis publics entras la vischnaunca entscheiva cun igl 1. da december 2019. Astgein nus supplicar d’observar la signalisaziun corrispundenta el liug.

En tuttas zonas da parcar dalla vischnaunca vala in scamond da parcar duront la notg naven dallas 00.00 entochen las 07.00 – cun in’excepziun – sil plaz avon la casa da scola a Vella valla il scamond da parcar duront la notg entochen las 06.00.

Nua ch’igl ei signalisau, sa vegnir parcau duront la notg cun pagar la taxa correspondenta. Cunquei che las lubientschas per parcar duront la notg san vegnir reservadas duront 24 uras, metta la vischnaunca a disposiziun il sistem Mobile Payment ePark24. Cun ePark24 sa la taxa per parcar la notg vegnir pagada directamein sur il telefonin, u cun in SMS ni sur l’app e24sms. Ils cuosts per registrar la numera dil vehichel cun in SMS vegnan engraviai sur Vies quen da telefon. En cass che Vus duvreis l’app e24sms, saveis Vus tschentar el parameter dall’app cun tgei mieds da pagaments che Vus vuleis pagar. Per omisduas metodas – SMS ed app – vegn sefundau sin la numera dil vehichel. Informaziuns pertuccont il pagar cun SMS ni cun app anfleis Vus sin las tablas blauas els loghens dils parcadis publics.

Sch’enzatgi vul buca far diever da ePark24, sa quel naturalmein sevolver directamein tier l’administraziun communala, u sur telefon 081 920 60 00 duront las uras da biro ni persunalmein sin il spurtegl duront las uras da spurtegl – fagei aschi bien ed indichei la numera dil vehichel. Sche Vus sedecidis per la via sur e-mail ad info@lumnezia.ch, sto vegnir indicau la numera dil vehichel, il num, l’adressa e las datas dall’arrivada e partenza, pia il cuoz per il diever da parcar. L’administraziun communala registrescha Vossas datas el sistem electronic e24 e tarmetta il quen cun la taxa a Vossa adressa.

 

Taxas per parcar duront la notg

24 uras          frs. 5.00

1 jamna         frs. 20.00

1 meins         frs. 50.00

6 meins         frs. 200.00

1 onn            frs. 400.00

 

Informaziuns nizeivlas

Ordinaziun per il diever da parcadis publics en la vischnaunca Lumnezia link
Fegl d'informaziun link

Exempel d'ina tabla da signalisaziun link

e24 App Store link

Plan dils parcadis publics el vischinadi Cumbel link

Plans dils parcadis publics el vischinadi Degen link

Plans dils parcadis publics el vischinadi Lumbrein link

Plan dils parcadis publics el vischinadi Morissen link

Plans dils parcadis publics el vischinadi Suraua cun Surcasti-Tersnaus-Uors link

Plans dils parcadis publics el vischinadi Suraua cun Camuns-Masauns-Runs link

Plan dils parcadis publics el vischinadi Vella link

Plan dils parcadis publics el vischinadi Vignogn link

Plans dils parcadis publics el vischinadi Vrin link

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha