Publicaziun ufficiala

06.09.2019 , Suprastonza communala

Procedura da contribuziun per la renovaziun dalla via Davos Scola

Temps d'exposiziun: 6 da settember entochen ils 7 d'october 2019.

Sefundond sin art. 22 dall'ordinaziun cantunala per la planisaziun dil territori sco era sin ils art. 62 e 63 dalla lescha cantunala per la planisaziun dil territori ha la suprastonza communala da Lumnezia decidiu a caschun dalla seduta dils 03 da settember 2019 d'instradar la procedura da contribuziun, il territori cumpigliau sco era fixau la cumpart previda dils cuosts dalla renovaziun dalla via Sutvitg per l'interessenza publica e privata tenor "concept d'interessenza publica tier renovaziuns da vias".

 

Intent: renovaziun dalla via Sutvitg, Vella

Cumpart dils cuosts: Part publica    20% Part privata    80%

Cunfinaziun perimeter da contribuziun: La cunfinaziun da perimeter da contribuziun ei indicaus el plan d'exposiziun.

Renovaziun da via: La via che duei vegnir renovada ei medemamein veseivla ord il plan d'exposiziun.

Acts d'exposiziun: renovaziun dalla via Sutvitg, perimeter da contribuziun e cumpart dils cuosts per l'interessenza publica, 1:600

Temps d'exposiziun: Naven dils 06 da settember entochen ils 07 d’october 2019 (30 dis)

Liug e temps d'exposiziun: Canzlia communala, duront las uras da spurtegl

Protestas: Encunter l'introducziun dalla procedura da contribuziun, encunter il perimeter da contribuziun previu dalla via da quartier sco era encunter las cumparts dils cuosts per l'interessenza publica e privata san tuttas persunas cun in interess schurmegiau inoltrar ina protesta enteifer 30 dis dapi questa publicaziun. La protesta ei d'inoltrar a scret e motivada alla suprastonza communala.

Ina copia dil text da publicaziun vegn tarmessa tier a mintga proprietaria ed a mintga proprietari avon il termin da publicaziun.

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha