Publicaziun ufficiala

08.03.2019 , Suprastonza communala Lumnezia

Decret per ina zona da planisaziun

A caschun dalla seduta dils 04 da mars 2019 ha la suprastonza communala decretau - sin basa digl art. 21 dalla lescha davart la planisaziun dil territori per il cantun Grischun (LPTGR) – ina zona da planisaziun per igl entir territori communal cun las suandontas finamiras:

  1. examinar ina reducziun dallas zonas da baghegiar (oravontut dallas zonas da habitar, mischedadas e da center) giud via ed agl ur dil territori surbaghegiau per la gronda part, conform allas prescripziuns digl art. 15 al. 1 e 2 dalla lescha federala davart la planisaziun dil territori (LPT) sco era dil plan directiv cantunal – habitadi (PDChant-A) dils 20 da mars 2018;
  2. realisar las ulteriuras prescripziuns digl art. 15 LPT sco era dil PDChant-A, specialmein per promover in svilup architectonic d'aulta qualitad dil habitadi viers anen ed ina renovaziun dil habitadi.

Ella zona da planisaziun astga vegnir realisau nuot che savess engrevegiar u impedir la nova planisaziun u esser cuntraria a tala. Projects da baghegiar astgan vegnir lubi mo, sch'els cunterfan buca allas planisaziuns e prescripziuns vertentas ni allas planisaziuns e prescripziuns novas prevedidas (art. 21 al. 2 LPTGR).

La suprastonza communala resalva il dretg da concretisar da tut temps la zona da planisaziun respectiv d’adattar quella conform al stadi da planisaziun mintgamai actual.

La zona da planisaziun vala ad interim per dus onns e va en vigur cun la publicaziun hodierna. Quest decret sa vegnir contestaus cun recuors da planisaziun tier la regenza, e quei enteifer 30 dis suenter la publicaziun ufficiala (art. 101 al. 1 LPTGR).

Vischnaunca Lumnezia, ils 08/03/2019
La suprastonza communala Lumnezia

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha