Publicaziun ufficiala

02.11.2018 , Suprastonza communala Lumnezia

Aboliziun dil scamond general da far fiug – tuttina vegn supplicau per attenziun!

Il scamond general da far fiug ei sligiaus si sin igl entir territori dalla vischnaunca Lumnezia. Ei vegn supplicau dad ir entuorn vinavon precaut cun far fiug el liber.

Igl uffeci d’uaul e prighel dalla natira dil cantun Grischun ha aboliu ils scamonds da far fiug sper igl uaul ed en la vischinonza digl uaul ch’eran aunc en vigur en certs loghens ils 29 d’october 2018. La suprastonza communala ha medemamein supriu quella decisiun. Cunquei ei il scamond general da far fiug sligiaus si sin igl entir territori dalla vischnaunca Lumnezia.

Malgrad la plievgia e la neiv intensiva vegn ei supplicau dad ir entuorn vinavon precaut cun far fiug el liber e da respectar las recumandaziuns e prescripziuns dil cantun. Mo aschia savein nus era el futur evitar donns pli gronds. Ulteriuras informaziuns anfleis Vus sin la pagina d’internet dil cantun sut www.awn.gr.ch.

La suprastonza communala ed ils Pumpiers Lumnezia engrazian a tuts per la buna disciplina duront la liunga perioda da grond prighel da fiug.

Suprastonza communala Lumnezia

Informaziuns digl cantun Grischun pertuccont  l'aboliziun dil scamond da far fiug

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha