Publicaziun ufficiala

27.11.2020 , Vischnaunca Lumnezia

TARIFFA NULLA: Gratuitamein cugl auto da posta entuorn il Mundaun 2020/2021

naven dils 17-12-2020 entochen ils 05-04-2021

Sco ils unviarns vargai sa igl auto da posta sin las lingias Glion-Vrin, Glion-Sursaissa Friggahüs,  e sillas ulteriuras lingias egl entir territori dalla vischnaunca Lumnezia sco era silla lingia Glion-Luven vegnir nezegiaus gratuitamein naven dils 17-12-2020 entochen ils 05-04-2021.

Desisti digl auto e nezegiei la mobilitad culs mieds da transport publics. Mei cumadeivlamein el territori da skis, fagei spassegiadas d’unviern ni visitei ils vitgs en Lumnezia ed entuorn il Mundaun.

Indigens e possessurs da secundas habitaziuns el vischinadi da Suraua supplichein nus da s’annunziar tier la canzlia communala Lumnezia per survegnir in abonnament gratuit per la lingia Glion-Camuns/Uors/Tersnaus spv. e Tersnaus spv./Uors/Camuns-Glion.

Nus selegrein sin Vossa viseta ella Val Lumnezia.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha