Publicaziun ufficiala

29.11.2020 , Administraziun communala Lumnezia

Votaziun federala e communala dils 29 da november 2020

Il material da votar ei vegnius repartgius entras la posta. Persunas cun dretg da votar che han aunc buca retschiert quel, vegnan supplicadas da s’annunziar tier la canzlia communala Lumnezia.

Pusseivladads da votar

  • all'urna a Vella en casa communala
    - mesjamna entochen venderdis, ils 25/11/ - 27/11/2020 duront las uras da spurtegl
    - dumengia, ils 29/11/2020 denter las 10:00 e las 11:00
  • per correspondenza en las scaffas da brevs dallas anteriuras casas communalas
    els vischinadis da Cumbel, Degen, Lumbrein, Morissen, Suraua, Vella, Vignogn, Vrin
    - entochen dumengia, ils 29/11/2020 allas 10:00
  • per correspondenza via posta
    - entochen venderdis, ils 27/11/2020. La brev ei da francar e surdar alla posta baul avunda per che la distribuziun sappi succeder avon il gi da votaziun.    


Per la votaziun all'urna eis ei da presentar il certificat dil dretg da votar. Mintga votant/a sto ir persunalmein a votar, substituziuns ein buca lubidas.

Tier la votaziun per correspondenza ei d’emplenir ora ils cedels da votar e serrar quels en la cuviarta da votar grischa ni en ina cuviarta neutrala. Suttascriver la declaronza sil certificat dil dretg da votar, senza suttascripziun ei la votaziun nunvaleivla. Metter la cuviarta cun ils cedels da votar ed il certificat dil dretg da votar en la cuviarta alva che haveis retschiert.

Correcturas d’adressas ni giavischs per retrer las documentaziuns da votar en in auter lungatg ein da communicar en scret alla canzlia communala Lumnezia.

Remarcas

  • Las scaffas da brevs els vischinadis stattan vinavon a disposiziun, denton mintgamai mo per las votaziuns.

 

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha