Relaziuns da domini el temps mediaval

Duront il temps mediaval regevan ell’entira vallada semegliontas relaziuns politicas da pussonza. Il bein da retg dad 840 che vegn numnaus el urbari imperial ei el decuors dil temps vegnius els mauns digl uestg da Cuera, il qual stueva denton parter sias pretensiuns culs libers da Belmont a Vella. La carplina denter las famiglias beinstontas da Belmont ed ils conts da Werdenberg-Heiligenberg e Montfort ei staus igl igl emprem document historic che demuossa ch’ils habitonts dalla vallada per lur libertad. Duront l’uiara da Belmont da 1352 ha la “porta dallas dunnauns” da Porclas sigl intschéss dalla vischnaunca da Cumbel, ch’era inaga in mir da serrada, giugau in rolla strategicamein decisiva. Senza declarar uiara ein truppas dils inimitgs arrivai dil nord en Surselva. Enten empruar da contonscher la Val Lumnezia ei ina pli gronda part dallas truppas vegnida cumbattida a S. Carli al pei dil Pèz Mundaun d’ina roschada da cavaliers dil signur da Belmont. In’autra truppa ha empruau da penetrar ella val tier la serrada a Porclas. Enten tuccar ils zenns ein las dunnas dalla Lumnezia fastginadas a Porclas ed han scatschau igl inimitg cun lavinas da crap e lenn el stil d’ina secunda uiara da Morgarten. Dapi quei gi vegn quella serrada cul portal renovau “porta dallas dunnauns” numnada “las valerusas”. Aschia ein era dunnas dallas Val Lumnezia stadas ina part dil heroissem. Schegie che historiografs scheptics han encuriu mussaments, han ins tochen oz anflau nuot concret. Tgei emporta ei, era las historias da herox masculins ein pil pli mo legendas. Il sentiment, da stuer inventar historias da heroissem, ei gia adina stau in basegns dil carstgaun. En quei cass sto la construcziun dil poet roman Cicero, che pasch malgesta seigi megliera che uiara giustificada, vegnir taxada sco fallida, damai che davart dallas defensuras, sco quei che vegneva raquintau, hagi ei dau negins morts ni blessai.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha