Publicaziun ufficiala

15.05.2020 , Administraziun communala Lumnezia

Annulaziun dalla radunonza communala dils 19 da zercladur 2020

Coronavirus (SARS-CoV-2)

Pervia dalla derasaziun dil coronavirus e pervia dalla malsogna che vegn caschunada da quel (COVID-19), ha il Cussegl federal decretau cun l'Ordinaziun 2 dils 13 da mars 2020 davart las mesiras per cumbatter il coronavirus (Ordinaziun 2 davart COVID-19; CS 818.101.24) in scamond d'occurrenzas publicas (cf. art. 6 al. 1). Leutier tuccan era radunonzas communalas.

Enstagl dallas radunonzas communalas han las vischnauncas survegniu la pusseivladad da far votaziuns all'urna sin basa d'in dretg d'urgenza. En quest connex ei obsoleta era la predeliberaziun tras la radunonza communala (cf. art. 20 LV). Perencunter san ils parlaments communals vinavon far las predeliberaziuns, perquei che lur pusseivladads da seradunar ein buca scumandadas, presumau che las prescripziuns da higiena e da distanza possien vegnir observadas.

Ils 04 da matg 2020 ha la suprastonza communala Lumnezia decidiu d'annullar la radunonza communala ch'era previda ils 19 da zercladur 2020 e da schar decider la populaziun davart las fatschentas urgentas en ina votaziun all'urna.
La votaziun communala all’urna ha liug la dumengia, ils 21 da zercladur 2020. Ils documents da votaziun vegnan tarmess ad ils votants ed allas votantas silmeins 10 dis avon il di dalla votaziun.

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha