Publicaziun ufficiala

05.05.2020 , Stab directiv communal Lumnezia

Coronavirus (SARS-CoV-2) - 05.05.2020

Il stab directiv communal Lumnezia ei vegnius en funcziun ils 13 da mars 2020 per prender mesiras da prevenziun ella situaziun extraordinaria pervia dalla pandemia tras il coronavirus (SARS-CoV-2).

Mesiras da frenar la derasaziun dil virus

Pil cussegl federal resta la Svizra en ina situaziun extraordinaria. El ha denton decidiu da sluccar successivamein las mesiras enviers la populaziun, las organisaziuns, las instituziuns ed ils cantuns. Las disposiziuns novas entran en vigur ils 11 da matg 2020. L’instrucziun da presenza ei puspei pusseivla per la scola obligatoria. Las stizuns, ils negozis, ils museums, las bibliotecas e las ustrias san arver a cundiziun ch’els setegnan rigurusamein als plans da protecziun.
Per reducir la resca che la malsogna COVID-19 sederasa puspei dapli duein tuts setener vid las reglas da higiena e da cumportament.

Mesiras da protecziun

En cass da sintoms eisi da star a casa e buc ir en loghens publics. Las mesiras valan per tuts, la populaziun ed ils gremis professiunals. Ellas duein frenar la derasaziun dil virus. Ils mieds d’isolar sesez e l’atgna quarantena ein fetg impurtonts per che l’epidemia sederasi buc aunc dapli ella communitad.
Igl Uffeci federal dalla sanadad publica (UFSP) ha publicau las instrucziuns per isolar sesez en cass da febra e tuos, per l’atgna quarantena sco era las instrucziuns tgei che Vus dueis far e tgei che las persunas conviventas e cun contacts intims duein far, sche Vus veis in’infecziun dil coronavirus e Vus essas isolai a casa.

Prioritad ha la sanadad publica. Specialmein las persunas che rescan da vegnir grevamein malsaunas duein esser protegidas meglier dil niev coronavirus. Il niev coronavirus sa esser particularmein prigulus per las persunas da 65 onns ensi e per quellas gia affectadas d’autras malsognas. Cunzun persunas cun ina dallas suandontas malsognas ein periclitadas:

  • malsognas cronicas dils vaus respiratoric, p.ex. greva asma, COPD
  • hipertensiun arteriala (pressiun dil saung aulta)
  • diabetes, en spezial diabetes mellitus tip 2
  • fleivlezza dil sistem d'immunitad pervia malsognas e terapias che reduceschan l'immunitad
  • malsognas cardiovascularas (dil cor e circulaziun dil saung)
  • cancer

Tuts san contribuir alla protecziun respectond las reglas da higiena e da conduita dil UFSP.

  • Reducir ils contacts socials sil minimum, seigi quei giuadora ni inscunters a casa cun persunas d’ordeifer.
  • Tener distanza d’autras persunas.
  • Lavar ils mauns regularmein e da rudien.
  • Desister da contact corporal - buca dar il maun, embratschar ni bitschar.
  • Da tuoscher e sturnidar duvrar in fazalet ni tener il cumbel dil bratsch avon bucca e nas.
  • Star a casa en cass da tuos e da febra per curar la malsogna.
  • Adina telefonar avon ch’ir tiel miedi ni ella staziun d’urgenza.

Igl UFSP ha publicau las recumandaziuns per la populaziun en tuts lungatgs naziunals:
https://bag-coronavirus.ch/

Informaziuns impurtontas tier il coronavirus ein accessiblas

  • sin la pagina d’internet dil cantun Grischun www.gr.ch/coronavirus
  • sco era sin la pagina digl Uffeci federal dalla sanadad publica UFSP www.bag.admin.ch
  • Infoline dalla Confederaziun tier il coronavirus, telefon +41 58 463 00 00 - ei occupada da tut temps

 

 

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha