Publicaziun ufficiala

17.05.2019 , Vischnaunca Lumnezia

Immissiuns e lavurs dall’agricultura e horticultura duront dumengias e dis da ruaus publics e locals

La vischnaunca fa attenta la populaziun sin prescripziuns ord la lescha communala e cantonala.

La vischnaunca fa attenta la populaziun sin prescripziuns ord igl art. 25 dalla lescha davart igl uorden public per la vischnaunca Lumnezia che seferescha sin la lescha davart ils dis da paus publics dil cantun Grischun (DG 520.100).

Alinea 2 «Duront dis da ruaus publics e locals tenor art. 21 ein lubidas lavurs agricolas ch'ein dependentas dall'aura mo sch'ei smanatscha il prighel che la raccolta vegni svaletada ni ruinada
En quei senn vala en nossa vischnaunca la regulaziun ch’ei astga vegnir raccoltau il fein las dumengias e firaus mo sch’in dils motivs menziunai cheu sura ei ademplius. 

Alinea 3 «Duront dis da ruaus publics e locals eis ei scumandau da trer grascha e puschina sco era da segar praus e pastgets

 

Alinea 4 «Ventilaziuns da fein ein da sclauder duront il temps da ruaus da notg. La suprastonza communala sa lubir excepziuns.»

La vischnaunca Lumnezia engrazia allas convischinas ed als convischins e tut ils hosps per respectar las prescripziuns dallas leschas menziunadas e surtut per lur risguard vicendeivel.

 

Suprastonza communala Lumnezia

 

Lescha davart davart igl uorden public per la vischnaunca Lumnezia

Lescha davart dis da paus publics dil cantun Grischun

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha