Center da formaziun Surselva

Per la Surselva ei ina purschida da formaziun e scolaziun d'aulta qualitad existenziala. Ina tala purschida ei la premissa per in'economia che funcziunescha - segirar plazzas da lavur - e preserva la regiun d'ina depopulaziun.

Finamira dil center da formaziun Surselva eis ei da segirar e da sviluppar vinavon in sistem da scolaziun cuzzeivel ed efficazi ella regiun. Cheutras duei la Surselva vegnir posiziunada sco liug attractiv da scolaziun e perfecziun e l'identitad regiunala, linguistica e culturala duei vegnir rinforzada.

• Center da formaziun Surselva
  
• Gimnasi claustral Mustér

Tiel Center da formaziun Surselva - sco partiziun dalla Regiun Surselva - audan sil scalem secundar II

• Scola media mercantila
• Scola media propedeutica
• Scola professiunala commerciala
• Scola professiunala industriala
• Scola Vinavon

Plinavon audan il Survetsch logopedic, la Scola mercantila dil di, la Scola da musica e la Promoziun da special talentai tier las partiziuns dil Center da formaziun Surselva.