Uffeci da taglia Lumnezia

Formulars da taglia

Ils formulars da taglia vegnan tarmess dall’administraziun cantunala da taglia el decuors dil meins schaner. Ulteriuras informaziuns sco era il program per emplenir ora la declaronza da taglia sil computer anfleis sin la pagina d’internet www.stv.gr.ch.

Las declaronzas da taglia ein d'inoltrar alla:

Administraziun da taglia dil cantun Grischun
Center d'elavuraziun 1/KO
Steinbruchstrasse 18
7001 Cuera

Prolungaziun per l'inoltraziun dalla declaronza da taglia

Damondas per prolungir il termin d'inoltrar la declaronza da taglia ston vegnir inoltradas directamein tier l'administraziun da taglia dil cantun Grischun. Las damondas san vegnir inoltradas electronicamein sut www.stv.gr.ch.

Quen da taglia

El decuors dil schaner vegn tarmess il quen da taglia provisori.
Sin basa dalla taxaziun da taglia vegn lu tarmess pli tard il quen definitiv.

Taglia sin entrada e facultad

Il pei da taglia dalla vischnaunca Lumnezia munta a 105 % dalla taglia cantunala sempla.

Taglia sin beins immobigliars

La taglia sin beins immobigliars importa 1.5 ‰ dalla valeta da taglia alla fin digl onn calendari.

Taglia alla baselgia

La taglia alla baselgia catolica importa 15 %.
La taglia alla baselgia evangelica importa 17 % (+ 3.5 % alla baselgia cantunala).
Quella taglia vegn calculada sin fundament digl import dalla taglia cantunala.

Taglia sin midada da proprietad

La taglia sin midada da proprietad munta 2 % dil prezi da vendita/cumpra.

Taglia sin gudogn ord la vendita da beins immobigliars

La taglia sin gudogn ord la vendita da beins immobigliars vegn incassada dalla vischnaunca sco era dil cantun. La taglia dalla vischnaunca importa 100 % dalla taglia cantunala. Taxaziun ed incasso succedan entras l’administraziun cantunala da taglia.

Taglia sin ierta

Liberai ein:
– il conjugal survivent
– las partenarias registradas ed ils partenaris registrai
– ils descendents, ils affons figliasters ed ils affons confidads sco era lur descendents
– las persunas ch'ein liberadas dalla taglia sin midada da protprietad tenor il dretg cantunal
– ils partenaris da concubinat
– ils geniturs

La taglia importa:
–   5 % per il tschep dils geniturs
– 10 % per il tschep da tat e tatta
– 15 % per las ulteriuras persunas benefiziadas

Taglia sin donaziun

Cheu valan las medemas disposiziuns sco tier la taglia sin ierta.

Taglia alla fontauna

Suttamess alla taglia da fontauna ein tuts luvrers digl exteriur, ch'ein buca en possess dalla lubientscha da dimora attest C, cun dimora el Cantun Grischun e lavuran sco emploiai dependents. Il rendaquen dalla taglia alla fontauna ha da succeder directamein cun l'administraziun da taglia dil Cantun Grischun, secziun taglia alla fontauna, Steinbruchstrasse 18, 7001 Cuera. Ulteriuras informaziuns ein d'anflar sut www.stv.gr.ch.

Taglia da tgauns

La taglia per igl emprem tgaun munta a frs. 50.00. Per mintga ulteriur tgaun el medem tenercasa importa la taglia frs. 100.00. Tenor lescha dalla vischnaunca Lumnezia ein ils possessurs obligai d’annunziar lur tgauns.

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha