Resultats dalla retscherca 2017 sur internet davart la revisiun dalla planisaziun locala dalla vischnaunca Lumnezia

En connex cun la revisiun dalla planisaziun d’utilisaziun ha la vischnaunca Lumnezia menau atras egl emprem quartal 2017 ina retscherca tier ils indigens e possessurs da habitaziuns secundaras. Legreivlamein han buca meins che 1002 persunas empleniu ora il questiunari. La vischnaunca Lumnezia engrazia a tuts che han priu part alla consultaziun.

A caschun digl aperitiv da Daniev 2018 dalla vischnaunca ha il president communal Duri Blumenthal presentau ils resultats dil questiunari. Resumau sa ei vegnir fatg las suandontas constataziuns: Dus tiarz dils participonts ein jasters. Tier la structura dalla vegliadetgna croda en egl che 64 pertschien dils dumandai ein denter 31 e 65 onns. 32 pertschien ein pli vegls che 65 e mo 3 pertschien ein denter 19 e 30 onns. La cumpart dalla giuventetgna schai aunc tier 1 pertschien. 97 pertschien sesentan bein ella vischnaunca. Era sch'ils singuls vitgs han valetau la damonda suenter l'impurtonza dil center d’in vitg viv differentamein, ei la maioritad dil meini che quei punct seigi fetg impurtonts. Il manteniment dils nuegls vegls vegn medemamein considerau per impurtont. Sur 62 pertschien ein persuenter ch'ils nuegls vegls duein vegnir mess a disposiziun sco terrren da baghegiar pils indigens, denton mo 55 pertschien lessen schar baghegiar entuorn quels sco habitaziuns secundaras. Tier las purschidas per giuvenils ed affons exista in deficit. Quei ei la suletta damonda, ch’ei vegnida rispundida dalla maioritad da 53 pertschien per nuncuntenteivel.

Ils resultats dil questiunari vegnan ad esser ina basa ed in muossavia per la revisiun totala dalla planisaziun d’utilisaziun per la vischnaunca Lumnezia.

La presentaziun digl 1. da schaner 2018 dat a Vus ina survesta sur dils resultats

Survesta davart las analisas da mintga singul vitg dalla vischnaunca Lumnezia

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha