Sur da nus

La vischnaunca ademplescha las incumbensas che sepresentan ad ella en favur dil beinstar dalla communitad. Ella promova il svilup cultural ed economic, il beinstar social e general da ses habitonts sco era il manteniment persistent dallas basas da viver natiralas.

L’autoritad suprema en vischnaunca ei la cuminonza dallas persunas cun dretg da votar. Sco legislativa excercitescha ella ses dretgs all’urna ni alla radunonza communala. La suprastonza communala ei l’autoritad administrativa e poliziala dalla vischnaunca. L’executiva cun 9 departaments secumpona dil president communal e dad otg ulteriurs commembers. L’organisaziun operativa cumpeglia l’administraziun generala cugl uffeci da baghegiar, il survetsch tecnic ed igl uffeci forestal.

Las autoritads ed ils emploiai capeschan lur incumbensas sco survetsch alla communitad. Finamira ei d’exequir las lavurs effectivamein ed a moda cunvegnenta per cuntentientscha dils vischins. Quei denton adina a moda raschuneivla cun respecter aspects economics ed ils mieds finanzials disponibels.

Adressa da contact

Vischnaunca Lumnezia
Palius 32D
Caum postal 54
7144 Vella

Telefon +41 (0)81 920 60 00 
Telefax +41 (0)81 920 60 18
infolumneziach 
www.lumnezia.ch

Informaziuns co arrivar

Cun auto

Sur l'autostrada A3 / A13 da Cuera sur Flem / Laax entochen Glion ni tras Panaduz sin la via veglia sur Versomi per liung dalla cavorgia dil Rein (Ruinaulta) e silsuenter en direcziun Lumnezia (Vella - Vrin).

Naven dalla Svizra centrala ed il Valleis da Andermatt sur igl Alpsu (Cuolm d'Ursera) tras Disentis/Mustér tochen Glion, silsuenter en direcziun Lumnezia (Vella - Vrin). Naven da Nadal entochen Pastgas circulescha in tren da transportar autos Andermatt - Sedrun - Andermatt. Il traject sur il pass digl Alpsu a 2'033 m altezia cuoza approximativamein 60 minutas.

Naven dil Tessin sur il Cuolm Lucmagn a 1'972 m altezia tras la val Medel, Disentis/Mustér tochen Glion e silsuenter en direcziun Lumnezia (Vella - Vrin).

Cun mieds da transport public

Naven da Cuera entochen Glion cun la Viafier Retica.
Ulteriuras informaziuns www.rhb.ch

Naven dalla Svizra centrala da Göschenen ad Andermatt sur igl Alpsu entochen Disentis/Mustér cun la Viafier Matterhorn Gotthard e vinavon cun la Viafier Retica entochen Glion.
Ulteriuras informaziuns www.mgbahn.ch

Naven da Glion circuleschan autos da posta regularmein ella Lumnezia (Vella - Vrin). 
Ulteriuras informaziuns www.postauto.ch

Administraziun

Uffeci communal Lumnezia
Palius 32D
Caum postal 54
7144 Vella

+41 (0)81 920 60 00
infolumneziach

Uffeci da taglia

Uffeci da taglia Lumnezia
Palius 32D
Caum postal 54
7144 Vella

+41 (0)81 920 60 08
steueramtlumneziach

Uras da spurtegl

gliendisdis - venderdis
09.30 - 11.30 uras
13.30 - 16.30 uras

ni tenor cunvegnientscha