Taxas da hosps e taxas turisticas (lescha turistica)

Ils 28 da settember 2014 ha la cuminonza da votants all’urna dalla vischnaunca Lumnezia approbau la lescha davart las taxas da hosps e taxas turisticas per la vischnaunca Lumnezia. La lescha turistica (LT) ei entrada en vigur igl 1. da schaner 2015. Ella ha remplazzau las leschas dallas anteriuras vischnauncas.

Fatgs d'annunzia

Proprietaris da habitaziuns da vacanzas han la pusseivladad d'annunziar mutaziuns electronicamein. Ils ulteriurs obligai san annunziar midadas telefonicamein ni per mail. Ils contribuents retscheivan mintgamai il questiunari corrispundent. Naven dalla perioda 2016 succeda la facturaziun mintgamai l'entschatta digl onn.

Las suandontas mutaziuns ein d'annunziar:

  • Las pauschalas annualas vegnan fixadas ed incassadas mintgamai per ina perioda da taglia. Sco perioda da taglia vala igl onn calendar. Sch'ina persuna en vischnaunca ei buca obligada alla taxa da hosps ed alla taxa turistica (p.ex. midada da maun) duront igl entir onn, eis ei da far in'annunzia all'administraziun communala. Las taxas vegnan quintadas per igl entir onn u pil diember da meins els quals l'obligaziun vala. Meins che han entschiet, quentan cumpleinamein.
  • Tgi che affittescha alloschis cun l'obligaziun da pagar taxas enteifer in onn calendaric duront silmeins 120 dis senza interrupziun a persunas ch'ein buca suttamessas all'obligaziun da pagar taxas, sa pretender annualmein la restituziun proporziunala dallas taxas da hosps tschentadas a quen per il cuoz da talas affittaziuns cun presentar en scret mussaments corrispundents. Damondas ein d'inoltrar all'administraziun communala enteifer treis meins suenter il temps d'affittaziun deliberau. Annunzias retardadas vegnan buca risguardadas.

Post d'incasso

Uffeci communal Lumnezia
Partiziun finanzas/persunal
Palius 32D
Caum postal 54
7144 Vella

+41 (0)81 920 60 13
infolumneziach