Obligaziun d'annunzia alloschament da hosps

Stipulaziuns ella lescha d'ustria per il cantun Grischun

L'obligaziun d'annunzia vegn reglada ella lescha d'ustria per il cantun Grischun (LU, DG 945.100). Tenor artechel 11 regla la regenza l'obligaziun d'annunzia. Ellas disposiziuns tier la lescha d'ustria (DG 945.110) vegnan stipulai ils detagls. Naven digl 1. da schaner 2015 exista mo l'obligaziun d'annunzia per persunas resp. hosps digl exteriur.

Tals che dattan alloschi encunter pagament a persunas digl exteriur ein obligai da garantir che las persunas digl exteriur empleneschien il formular d'annunzia. Dar alloschi munta era metter a disposiziun in bein immobiliar per ina dimora transitoria ni da pli liung temps en tendas, en rulottas ni en indrezs semeglionts.

L'annunzia vegn fatga sin il formular d'annunzia ufficial. La persuna che dat alloschi sto tener en salv ils formulars d'annunzia silmeins 1 onn ed haver a disposiziun els da tut temps per ils organs da polizia.

Stipulaziuns ellas disposiziuns executivas

Alloschaders ein obligai da registrar l'arrivada e la partenza da lur hosps en in register da hosps. Supplementarmein ston arrivadas e pernottaziuns vegnir impurtadas els registers ufficials digl uffeci federal da statistica (contribuents obligai da far statistica). Las copias dils cedels d'annunzia vegnan buca renconuschidas sco register da hosps.

Alloschaders ein obligai da schar emplenir ora ils hosps in cedel d'annunzia directamein tier l'arrivada. Tier la partenza dils hosps noda igl alloschader il datum da partenza sin il cedel d'annunzia. Ils cedels d'annunzia ston vegnir teni en salv duront in onn naven dalla partenza dil hosp resp. dalla davosa impurtaziun.

Post d'incasso

Uffeci communal Lumnezia
Partiziun finanzas/persunal
Palius 32D
Caum postal 54
7144 Vella

+41 (0)81 920 60 13
infolumneziach