Informaziuns procedura proprietaris da habitaziuns

Muort la gronda lavur administrativa per tschaffar las datas da basa ei l’entschatta dalla procedura da retscherca s’entardada. Naven dalla perioda 2016 duessen ils quens mintgamai vegnir tarmess el decuors dil mars. La procedura da retscherca vegn pia fatga mintgamai l'entschatta digl onn. La taxa da hosps vegn duvrada per finanziar ils indrezs turistics ed occurrenzas turisticas, ch'ein vegni fatgs pil hosp e san per gronda part vegnir duvrai dad el. Las entradas ord la taxa turistica ein d’impunder per expensas che schain per gronda part egl interess dall’economia turistica.

La taxa da hosps vegn calculada dalla surfatscha da habitar netta. La taxa turistica consista d’ina taxa da basa da CHF 250.00 ed ina taxa tenor la surfatscha da habitar netta. Quei independentamein dil cuoz dalla locaziun. La surfatscha da habitar netta ei vegnida eruida sin fundament dils documents tier igl uffeci da schazetg dil Grischun. Las taxas vegnan mintgamai tschentadas a quen al proprietari.

Posseda ina persuna naturala ni giuridica plirs schischoms sin territori dalla vischnaunca da Lumnezia ed affittescha quels, vegn tschentada a quen la taxa da basa da CHF 250.00 mo inagada. Midadas san vegnir annunziadas egl avegnir sur la pagina d‘internet dalla vischnaunca Lumnezia cul formular online correspondent. L’emprema retscherca succeda diltuttafatg via posta.

Tgi che affittescha albierts, ch'ein suttamess all'obligaziun da pagar taxas, cuntinuadamein duront minimalmein 120 dis per onn calendar a persunas ch’ein buca suttamessas all’obligaziun da pagar taxas da hosps, sa far mintg’onn la damonda per la restituziun proporziunala dallas taxas tschentadas a quen per il cuoz da talas affittaziuns cun inoltrar ils mussaments correspondents en scret.

In’eventuala correctura dalla surfatscha da habitar netta sto vegnir argumentada e pretendida cun aschuntar il plan corrispundent tier l’administraziun communala Lumnezia. Per objects cun ina surfatscha da habitar netta da varga 150 m2 vegn la cumpart, che survarga ils 150 m2, buca risguardada. El cass da cumproprietad vegnan las taxas calculadas tenor la part dalla cumproprietad (surfatscha da habitar netta vegn calculada proporziunalmein). Per eruir la surfatscha da habitar netta ei la vischnaunca Lumnezia responsabla ella procedura da retscherca. La relevaziun dalla surfatscha da habitar netta ei succedida tenor las directivas digl uffeci da schazetg cantunal.

Survesta obligaziun da pagar (TH: taxa da hosps / TT: taxa turistica)



Agen diever
Hosps (indemnisau)
Enconuschents (indemnisau)
Affittaziun (senza dimora)
Affittaziun (cun dimora)

Proprietari cun domicil
en vischnaunca
negina taxa
TH / TT / taxa da basa
TH / TT / taxa da basa
TH / TT / taxa da basa
negina taxa

Proprietari cun domicil
ordeifer vischnaunca

TH
TH / TT / taxa da basa
TH / TT / taxa da basa
TH / TT / taxa da basa
negina taxa

Post d'incasso

Uffeci communal Lumnezia
Partiziun finanzas/persunal
Palius 32D
Caum postal 54
7144 Vella

+41 (0)81 920 60 13
infolumneziach