Val Lumnezia.

Sco pli gronda val laterala dalla Surselva tonscha la Val Lumnezia da Glion, igl emprem marcau spel Rein, viers sid. Sia surfatscha dumbra 382 km2. La val ei spartida en Lumnezia sura e sut. In’ulteriura part senumna Val s. Pieder. Il clima ei alpin continentals. La quantitad dalla precipitaziun schai cun circa 800 milimeters in toc sut la media dalla Svizra che mesira 1250 milimeters ad onn. La val surpren cun sia aviartadad, il bellezia panorama e la spunda viers sidost che traversa la cadeina dil Mundaun. Enzennas tipicas dalla Val Lumnezia ein ils vitgs muntagnards pittorescs cun lur casas da lenn brinas ch’ein savens ornadas cun fluras, la multiplicitad dalla cuntrada, la buna vegetaziun e la gronda purschida dad attracziuns culturhistoricas. La nebla ei in hosp rar, in tschiel blau ei plitost la regla. La Val Lumnezia appartegn alla regiun linguistica dil romontsch sursilvan. Il romontsch sursilvan ei in dils tschun idioms dil romontsch el Grischun.

Per informaziuns turisticas, reservaziuns da combras ni informaziuns davart ulteriuras purschidas supplichein da visitar la pagina d'internet dalla destinaziun turistica.

 

Biro d'informaziun

Surselva Turissem
Info Val Lumnezia
Palius 32D
7144 Vella

+41 (0)81 931 18 58
www.surselva.info/vallumnezia