Challenge da viagiar

Per la challenge da viagiar gratuita che ha liug la dumengia da Tschuncheismas, ils 23-05-2021 a caschun dil «Coop Gemeinde Duell von schweiz.bewegt» porscha la vischnaunca Lumnezia treis rutas da viagiar cun differents grads da difficultad. Il punct da start e finiziun per tut las rutas sesanfla tiel plaz da scola Cuschnaus (Cuschnaus 172, 7143 Morissen). Leu han gl’emprem tut ils/las participontAs da s’annunziar per la ruta giavischada. Per motivs organisatorics ei il viadi d’entscheiver denter las 09.00 e 14.00 uras. Plinavon supplichein nus d’annunziar egl ordavon per la challenge cun num e prenum per e-mail sut info@lumnezia.ch ni per telefon sut 081 920 60 00.

A tut ils/las participontAs offerescha la vischnaunca Lumnezia ina tschavera sil plaz da scola Cuschnaus.

Las suandontas rutas vegnan purschidas:

La finamira dalla challenge da viagiar ei da motivar la populaziun tier dapli moviment e da rimnar minutas da moviment («Bewegungsminuten») per la vischnaunca Lumnezia tiel duel da vischnauncas Coop. Dapli informaziuns tiel duel anfleis Vus sut www.coopgemeindeduell.ch. En cass da damondas tier la challenge da viagiar saveis Vus bugen s’annunziar sut 081 920 60 00.

Datum d'untgida en cass da malaura: 30-05-2021
(vegn communicau cheu l'jamna avon l'occurrenza)

Flyer challenge da viagiar

Nus selegrein da mintga participontA.