Ils concerts da primavera dalla Grischun Brass colligia motivs da detgas e mitus cun cuntradas sonoras multifaras Sonda, ils 06 da zercladur allas 20:00 concertein nus ella Sala polivalenta a Vella.
Il punct culminont fuorma l'ovra «The Legend of King Arthur» da Peter Meechan. Quella raquenta musicalmein la detga dad artus - dalla spada excalibur el crap sur la battaglia al mount badon tochen alla historia entuorn Guinevere. Litteratura da brass band pretensiusa che ha surviu il 2014 sco toc da test pil National Championship of Great Britain ella Royal Albert Hall.
Ella secunda part interpretescha il principal cornetist e solo campiun europeic Simon Gabriel igl «Allegro» ord il concert da violina en d-moll da Felix Mendelssohn. La vusch da solo virtuosa fa valer il stil caracteristic da mendelssohn en in niev vestgiu sonor.
Cun «Hymn of the Highlands» da Philip Sparke vegn la sera cumpletada cun in ulteriur classicher en siat moviments nescha in panorama musical dalla cuntrada legendara dalla Scozia purtaus da solistas e solists ord las atgnas retschas