Formar ensemen cun nos affons e giuvenils igl avengnir

Publicaziuns ufficialas
Scola

Cun il project da participaziun vul jugend.gr contonscher, che affons e giuvenils san condecider dapli en vischnaunca.

La visiun dil project: Vischnauncas en qualas affons e giuvenils san tschintschar cun, corrispundent a lur basegns e lur pusseivladads. Els ein ligiai en, en lur vitg e regiun. Els san sviluppar e metter entuorn lur ideas en quels secturs che pertuccan els.

Cun il project da participaziun less jugend.gr ir cun 10 vischnauncas en in process per contonscher las finamiras numnadas sura. Quei en quatter pass: 1. In’analisa dalla situaziun en vischnaunca 2. Luvratoris en scola 3. In plan da mesiras 4. In’ evaluaziun.

La vischnaunca Lumnezia separticipescha al project ed ha ord quei intent installau ina gruppa da lavur per ir atras il process da project.

A caschun dils luvratoris ha la menadra da project saviu visitar ensemen cun commembers e commembras dalla supratonza communala e dalla gruppa da lavur ils scolars e las scolaras dalla scola Lumnezia.

Dus fetg interessants gis cun massa buns patratgs dils affons e giuvenils pertuccont lur vischnaunca.

 

Ulteriuras informaziuns tier il project anfleis Vus cheu.

jugend.gr – Federaziun tetgala dalla promoziun d’affons e giuvenils dil Grischun