Duront lavurs d'uaul vegn igl uffeci forestal Lumnezia adina puspei confruntaus cun posts aults e camonas da laghetg ch'impedeschan la lavur. Eruir ils possessurs ei grev ed intensiv da temps.
Per evitar quei egl avegnir, supplichein nus d'annunziar agl uffeci forestal mintga post ault e mintga camona da laghetg.
Per saver registrar aschi exact sco pusseivel il liug, supplichein nus d'indicar quel cun las coordinatas ni d'inoltrar ina copia dalla carta naziunala en scala 1:25'000. D'annunziar ein era construcziuns gia montadas. Silla pagina d'internet dalla vischnaunca anfleis Vus il formular corrispundent. www.lumnezia.ch/spurtegl virtual/tuts formulars.
Construcziuns buca annunziadas vegnan allontanadas cun caschun. Per construcziuns novas eis ei d'inoltrar ina damonda da construcziun cun las indicaziuns necessarias. S'informei era ordavon partenend proprietad dalla parcella.
Uffeci forestal Lumnezia