Declaronza da taglia 2020

Publicaziuns ufficialas

Ils formulars da taglia per igl onn 2020 ha l’administraziun cantunala da taglia tarmess el decuors dil meins schaner. Persunas che han buca retschiert ils formulars, ein obligadas da retrer ils necessaris formulars tier igl uffeci communal da taglia Lumnezia.

Il program “SofTax 2020” saveis cargar direct giu dalla pagina d’internet www.stv.gr.ch ed installar sin vies computer.

Termins per inoltrar las declaronzas da taglia:
Ils 31 da mars 2021 per persunas cun activitad da gudogn dependenta, students, pensiunai e disoccupai.

Ils 30 da settember 2021 per persunas cun activitad da gudogn independenta e persunas domiciliadas ordeifer il cantun Grischun cun immobiglias el cantun Grischun.

Las declaronzas da taglia 2020 ein da tarmetter per posta a suandonta adressa:
   Kantonale Steuerverwaltung GR
    Verarbeitungszentrum 1/KO
    Steinbruchstrasse 18
    7001 Chur


Prolungaziun dil termin:
Damondas per ina prolungaziun dil termin per inoltrar la declaronza da taglia ein da far avon ch’il termin d’inoltraziun croda e quei suandontamein;

Online:        www.stv.gr.ch
per e-mail:  fristgesuche@stv.gr.ch     
ni a scret:   Kantonale Steuerverwaltung GR
                  Fristgesuche/KO
                  Steinbruchstrasse 18
                  7001 Chur

Las damondas vegnan rispundidas mo sche quellas san buca vegnir risguardadas.

Suttascripziuns dils conjugals
Conjugals che vivan giuridicamein ed effectivamein en ina lètg nunseparada ein suttamess communablamein alla taglia. Omisdus conjugals ein obligai da suttascriver la declaronza da taglia.


Informaziuns
Davart eventualas damondas informescha igl uffeci da taglia Lumnezia; 081 920 60 08 steueramt@lumnezia.ch   ni il cumissariat cantunal da taglia a Glion; 081 257 62 63.  

Informaziuns e formulars anfleis vus sut www.stv.gr.ch ni sut www.lumnezia.ch