Dronas e models da sgular, disturbis dil ruaus

Publicaziuns ufficialas

Aunc adina vegn schau sgular dronas ni models da sgular sur ils vitgs ni ella vischinonza da quels senza observar las distanzas pretendidas.

Ils pilots da dronas vegnan fatgs attents sin la Lescha davart igl uorden public per la vischnaunca Lumnezia:

Art. 23 Dronas e models da sgular

1 Per sgols cun dronas e models da sgular per hobi ei d’observar ina distanza da silmeins 100 m enviers glieud e habitadis. Dil reminent valan las prescripziuns dall’Ordinaziun federala davart ils aeromobils da categorias specialas (OACS, RS 748.941) e d’applicar ein las reglas d’exercezi per dronas e models da sgular digl Uffeci federal d’aviatica civila (UFAC).

En connex cun immissiuns da canera ei da risguardar il ruaus da notg. Plianvon vala igl artechel 684, alinea 2 dil Cudisch civil svizzer. Quel regla il dretg da vischin e scamonda influenzas nuscheivlas nungiustificadas.

Davart il schurmetg digl ambient ein d’evitar disturbis ellas zonas da ruaus per la selvaschina. Vinavon ein da respectar ils interess dalla protecziun dalla natira.