«Duel da vischnauncas Coop da Svizra en moviment»: La vischnaunca Lumnezia prenda part!

Publicaziuns ufficialas

Naven digl 1. da matg entochen ils 20 da zercladur 2021 vegn ei encuriu «las pli sportivas vischnauncas dalla Svizra». La vischnaunca Lumnezia prenda part uonn per l’emprema ga al duel. La vischnaunca cun las pli biaras minutas da moviment («Bewegungsminuten») vegn elegida sco victura. Prendi part e rimnei tontas minutas da moviment sco pusseivel e gidei la vischnaunca Lumnezia tier la victoria.

Co saveis Vus far quei? Ei dat duas pusseivladads co Vus saveis sustener la vischnaunca da rimnar minutas da moviment:

  1. Prendi part alla challenge da viagiar (Wander-Challenge) gratuita ils 23-05-2021 en nossa vischnaunca. Ei vegn mess a disposiziun treis differentas rutas da viagiar. Las rutas ed autras impurtontas informaziuns anfleis Vus cheu ni sin www.coopgemeindeduell.ch
  2. Carghei giu l’app gratuita «Coop Gemeinde Duell von schweiz.bewegt». Cun quella app saveis Vus naven digl 1. da matg entochen ils 20 da zercladur 2021 tschaffar tut Vossas minutas da moviment ed aschia rimnar custeivlas minutas per nossa vischnaunca. Informaziuns detagliadas anfleis Vus sin www.coopgemeindeduell.ch.


La vischnaunca Lumnezia selegra da biarAs participontAs. Mintga minuta quenta!