Intermediaziun da lavur ed assicuranza encunter la disoccupaziun

Publicaziuns ufficialas

Igl 1. da fenadur 2021 ei entrada en vigur ina revisiun dalla Lescha introductiva tier l’intermediaziun da lavur e tier l’assicuranza encunter la disoccupaziun.

Las vischnauncas ein vegnidas relaschadas da lur obligaziun dall'execuziun dalla lescha federala davart l'assicuranza obligatorica encunter la disoccupaziun e davart l'indemnisaziun per insolvenza.

Las vischnauncas han buca pli incumbensas en quei sectur. Persunas ch'ein alla tscherca da lavur respectivamein disoccupadas san s'annunziar electronicamein per l’intermediaziun da lavur sur il portal d’internet www.arbeit.swiss. L’autra pusseivladad ei da s’annunziar directamein tier il center regiunal per l’intermediaziun da lavur (CIL, tudestg RAV).

Il CIL dalla regiun Surselva ha l’adressa:
Bahnhofstrasse 31, 7130 Glion
Tel. 081 257 62 14
Fax 081 257 62 19
e-mail: info.ravilanz@kiga.gr.ch
www.kiga.gr.ch

Mira era pagina d'internet dalla vischnaunca Lumnezia.

Medemamein ei entrada en vigur igl 1. da fenadur 2021 la Lescha federala davart las prestaziuns transitoricas per disoccupai pli vegls.

Las prestaziuns transitoricas sedrezzan a persunas, che han contonschiu la fin dil dretg da retrer l’indemnisaziun da disoccupaziun e che han cumpleniu il 60avel anniversari. Quellas prestaziuns duein segirar l’existenza da persunas pli veglias che survegnan buca pli indemnisaziuns da disoccupaziun entochen ch’ellas contonschan la vegliadetgna da pensiun.

Dapli informaziuns anfleis Vus sin la pagina d’internet dalla AVS.