Occurrenza d'informaziun project cauras viandontas Gianastga

Publicaziuns ufficialas

Sco part dad in project digl Uffeci per la natira ed ambient (UNA) cun cauras viandontas vegn la pastira da Gianastga dalla vischnaunca Lumnezia pasculada gia il quart onn dallas cauras. La finamira eis ei da retener la vegetaziun aschia che talas surfatschas creschan buca en e san vegnir mantenidas per nez agricol e per la biodiversitad. Sche Vus essas interessai d'udir co quei project funcziunescha, tgei finamiras ch'el ha, co la muntanera vegn schurmegiada, etc. essas Vus envidai da visitar quell'occurrenza d'informaziun.

La sentupada ha liug mesjamna, ils 30 da zercladur 2021, 10:00 – 14:00. Rimnada avon la baselgia da Sogn Luregn a Surcasti. Ei vegn supplicau da parcar ils autos sil parcadi dil vitg a Surcasti. Las persunas involvadas el project vegnan a tener cuorts referats e stattan a disposiziun per damondas.

Program:

10:00 – 11:00: Referats dallas suandontas persunas culs suandonts temas:

  • Pierre Coulin, menader da project (oekoskop): presentaziun dil project
  • Susanne Geissbühler (UNA): schurmetg biotops e promoziun da specias
  • Daniel Mettler (Hochstamm Suisse): Best practice schurmetg da muntaneras
  • Cyrill Steiger, cautegia: tgei schanzas sedattan cun tener cauras

11:00 – 12:30: Investa el liug sin pastira

12:30 – 14:00: Gentar

 

Pierre Coulin selegra da beneventar en num dad oekoskop tuts interessai.

L'occurrenza ha liug cun risguardar las prescripziuns da corona.

 

Ulteriuras informaziuns tier il project anfleis Vus cheu.