Ordinaziun da traffic, communicaziun ufficiala

Publicaziuns ufficialas
  1. La suprastonza communala Lumnezia ha l'intenziun d'introducir la suandonta restricziun da traffic sin territori communal (tabla supplementara):

Scamond per vehichels a motor, motos e velos a motor (sig. 2.14)

Tabla supplementara: Traffic agricol e forestal sco era traffic per visitar La Tegia lubiu

  • Vella, Triel ensi, spartavias restaurant Triel, en direcziun da La Tegia coordinatas dil liug dil signal: 2'731'235 1'176'118
  1. Questa mesira duei possibilitar da carrar cun vehichels a motor tochen a Puoz da Grun, el liug da La Tegia.
  2. La restricziun da traffic planisada ei vegnida approbada ils 22 da schaner 2024 dalla polizia cantunala sin basa digl art. 7 al. 2 LItLTV.
  3. Objecziuns e posiziuns en connex cun l'ordinaziun da traffic planisada san vegnir inoltradas enteifer 30 dis suenter la publicaziun en scret alla suprastonza communala Lumnezia. Suenter l'examinaziun dallas posiziuns inoltradas decida la vischnaunca e publichescha siu conclus el fegl ufficial cantunal, ensemen cun ina indicaziun dils mieds legals, per recuorer alla dretgira administrativa.
La Suprastonza Lumnezia