Damai che plirs vischinadis organiseschan gia mintg'onn tradiziunalmein la fiasta naziunala en lur liug ha la cumissiun da turissem dalla vischnaunca Lumnezia decidiu da buca vuler concurrenzar quels usits.
Perquei vegn la vischnaunca a surschar uonn ed el futur l'organisaziun dalla fiasta naziunala digl 01. d'uost allas uniuns dils vischinadis. La vischnaunca metta a disposiziun mintg'onn per mintga vischinadi (incl. uclauns) la summa totala pauschala ed unica da CHF 500 per l'organisaziun dalla fiasta. La summa vegn indemnisada sulettamein ad uniuns e buca a persunas privatas. La coordinaziun dalla fiasta enteifer ils vischinadis vegn surschada allas uniuns localas.
Ils organisaturs vegnan fatgs attents sil scamond da schar ir fiugs artificials che caschunan canera, che vala pigl entir territori dalla vischnaunca.