Procedura da contribuziun per la via da quartier Bual, 7143 Morissen

Publicaziuns ufficialas

Sefundond sin art. 22 dall'ordinaziun cantunala per la planisaziun dil territori sco era sin ils art. 62 e 63 dalla lescha cantunala per la planisaziun dil territori ha la suprastonza communala da Lumnezia decidiu a caschun dalla seduta dils 25 da fenadur 2022 d'instradar la procedura da contribuziun, il territori cumpigliau sco era fixau la cumpart previda dils cuosts dalla renovaziun dalla via da quartier Bual, Morissen per l'interessenza publica e privata tenor "concept d'interessenza publica tier renovaziuns da vias".

Intent:
via da quartier Bual, Morissen
Cumpart dils cuosts:
ei indicada els acts d’exposiziun
Cunfinaziun perimeter da contribuziun:
ei indicada el plan d'exposiziun
Renovaziun da via:
La via che duei vegnir renovada ei medemamein veseivla ord il plan d'exposiziun.
Acts d'exposiziun:
Via da quartier Bual, Morissen perimeter da contribuziun e cumpart dils cuosts per l'interessenza publica, 1:2'000
Temps d'exposiziun:
Naven dils 16 da settember entochen ils 17 d’october 2022 (30 dis)
Liug e temps d'exposiziun:
Canzlia communala, duront las uras da spurtegl
Protestas:    
Encunter l'introducziun dalla procedura da contribuziun, encunter il perimeter da contribuziun previu dalla via da quartier sco era encunter las cumparts dils cuosts per l'interessenza publica e privata san tuttas persunas cun in interess schurmegiau inoltrar ina protesta enteifer 30 dis dapi questa publicaziun. La protesta ei d'inoltrar a scret e motivada alla suprastonza communala.


Ina copia dil text da publicaziun vegn tarmessa tier a mintga proprietaria ed a mintga proprietari avon il termin da publicaziun.

Suprastonza communala Lumnezia