Renovaziun da la rait da vias champestras Vignogn

Publicaziuns ufficialas

Exposiziun publica da la midada dal project d'exposiziun, via champestra Vignogn–Crestaulta, varianta Tgis, sco era dal territori cumpigliau

Sa basond sin l'art. 38 da la Lescha da meglieraziun dal chantun Grischun (LMG; DG 915.100) e sin l'art. 97 da la Lescha federala d'agricultura (LAgr; CS 910.1) vegnan las actas qua sutvart exponidas publicamain.

Actas d'exposiziun:

  • rapport tecnic
  • situaziun 1:2000
  • profil normal 1:50
  • rapport ecologic
  • plan territori cumpigliau 1:2000
  • register da proprietaris e da las parcellas

Per orientaziun:
studi da variantas

Lieu d'exposiziun:
chanzlia communala Lumnezia, Vella

Durada da l'exposiziun:
da venderdi, ils 4 da zercladur 2021 fin glindesdi, ils 5 da fanadur 2021, ils lavurdis durant las uras da biro usitadas

Legitimaziun da far protesta:
La legitimaziun da far protesta han las persunas ch'èn tangadas da las actas d'exposiziun e che pon far valair in interess degn da vegnir protegì vi da l'aboliziun u vi da la midada da las actas; plinavant er la vischnanca pertutgada e las organisaziuns naziunalas per la protecziun da l'ambient, uschenavant ch'ellas han er il dretg da far recurs da dretg administrativ tar il Tribunal federal.

Protestas:
Protestas cunter las actas d'exposiziun ston vegnir inoltradas en scrit fin il pli tard glindesdi, ils 5 da fanadur 2021 (bul postal), al Departament d'economia publica e fatgs socials, Ringstrasse 10, 7001 Cuira.

Uffizi d'agricultura e da geoinfurmaziun
Daniel Buschauer