Renovaziun dalla reit da vias da meglieraziun Vignogn Vischnaunca Lumnezia

Publicaziuns ufficialas

Approbaziun dalla midada dil project d'exposiziun, via da meglieraziun Vignogn–Crestaulta, viarianta Tgis

Cun la disposiziun dils 11 d'uost 2021 ha il Departament d'economia publica e fatgs socials sebasond sin l'art. 44quater dalla Lescha da meglieraziun dal chantun Grischun (LMG; DG 915.100) approbau la midada dil project d'exposiziun che vegn numnaus survart, e quei cun cundiziuns.

Encunter questa disposiziun sa vegnir fatg recuors tier la Dertgira administrativa, Obere Plessurstrasse 1, 7001 Cuera, e quei enteifer 30 dis dapi la publicaziun. Il recuors sto vegnir inoltraus en dus exemplars e sto esser suttascrets. El sto cuntener ina pretensiun da dretg, ils fatgs sco era ina motivaziun. La disposiziun contestada sco era eventuals ulteriurs mieds da cumprova ston vegnir aschuntai.

Tgi che ha il dretg da far recuors sa prender investa dalla disposiziun e dils documents da project enteifer il termin da recuors, s'annunziond ordavon per telefon (081 257 24 32) tier igl Uffizi d'agricultura e da geoinfurmaziun, Ringstrasse 10, 7001 Cuera.

Uffizi d'agricultura e da geoinfurmaziun, Daniel Buschauer