Scamond general da far fiug inclusiv fiug artificial

Novitads
Publicaziuns ufficialas

Pervia dil grond prighel d'incendi per cultira ed uauls ha igl Uffeci d’uaul e prighels dalla natira dil Grischun relaschau in scamond da far fiugs egl uaul ed ella vischinonza d’uauls per ina gronda part dil cantun Grischun. La Surselva s’auda tier las regiuns da prighel.

La vischnaunca Lumnezia ha decidiu per immediat in scamond general da far fiug. Igl ei strictamein scumandau da far fiug ni da fierer per tiara products da fimar. Era l’utilisaziun da tuttas fueinas fixas ei scumandada. Enteifer la zona habitada astgan grills da gas vegnir duvrai cun surveglionza permanenta denton era mo lu, sch'els ein tschentai sin in funs stabil e resistent al fiug.

Surpassaments dil scamond vegnan sancziunai tenor uorden dalla polizia da fiug. En cass da barschaments pervia da surpassar il scamond vegn la vischnaunca Lumnezia a prender regress tier ils caschunaders.

La suprastonza communala engrazia per la capientscha da convischinas, convischins e hosps.