Exposiziun da recuors planisaziun locala

Publicaziuns ufficialas
Planisaziun locala

Sebasond sin art. 48 alinea 4 dalla lescha cantunala da planisaziun (LPTGR) ha liug l'exposiziun da recuors pertuccont la revisiun parziala dalla planisaziun locala dalla vischnaunca Lumnezia decidida dalla radunonza communala dils 18 da zercladur 2021.


Project:                                             
Revisiun parziala planisaziun locala


Acts d’exposiziun (mira sutvart):                           
- Midada dalla lescha da baghegiar, art. 45
- Plan da zonas 1:2000 Cumbel, Porclas
- Rapport da planisaziun e participaziun


Temps da publicaziun:                  
8 d’october 2021 entochen ils 8 da november 2021 (30 dis)


Liug e temps da publicaziun:        
Canzlia communala Lumnezia, Vella
Duront las uras da spurtegl usitadas


Recuors da planisaziun/protestas: 
Persunas cun in agen interess ch’ei digns da vegnir schurmegiaus dalla decisiun da planisaziun ni che ein legitimadas tenor il dretg federal ni il dretg special cantunal san inoltrar enteifer 30 dis suenter questa publicaziun in recuors viers la planisaziun locala en scret alla regenza dil cantun Grischun.


Organisaziuns digl ambient:          
Organisaziuns per igl ambient fan valer lur dretg da recuors tenor art. 104 alinea 2 LPTGR, vul dir, ellas annunzian lur participaziun vid il proceder enteifer il temps da recuors agl uffeci cantunal per il svilup dil territori ed inoltreschan silsuenter ina eventuala posiziun

Suprastonza communala Lumnezia