Bauns da leger

La Biblioteca Lumnezia ha plazzau sis bauns da leger en Lumnezia. Ils bauns duein promover il leger e porscher ina biala experientscha ella natira. Vus saveis guder buna litteratura ordaviert. Ils cudischs sesanflan el caum enamiez dil baun da leger ed ein per part vegni selecziunai tut tenor liug dil baun. Ils loghens els quals ils bauns vegnan tschentai san midar mintg'onn.

Duront igl unviern vegnan ils bauns da leger mess ensut. Sulettamein il baun sper la Caplutta a Vella san ins era visitar igl unviern. La lectura vegn adattada alla stagiun.

Suenter la pausa d'unviern vegnan ils bauns da leger puspei repartgi en suandonts loghens:

  • sur Tersnaus, Suraua
  • plaz posta Vrin
  • lag da far bogn Davos Munts, Vattiz
  • sper caplutta a Vella
  • agl ur digl uaul Parmischinas, Lumbrein
  • fueina da grillar Tschanabrels, sur Davos Munts, Vattiz