Parcar sin plazs ed areals publics ella vischnaunca Lumnezia

L'ordinaziun per il diever da parcadis publics per la vischnaunca Lumnezia ei vegnida approbada e messa en vigur ils 4 da mars 2019 entras la suprastonza communala.

La controlla dils parcadis publics entras la vischnaunca ha entschiet cugl 1. da december 2019. Ei vegn supplicau d’observar la signalisaziun corrispundenta el liug.

En tuttas zonas da parcar dalla vischnaunca vala in scamond da parcar duront la notg naven dallas 00.00 entochen las 07.00 – cun in’excepziun – sil plaz avon la casa da scola a Vella vala il scamond da parcar duront la notg entochen las 06.00.

Nua ch’igl ei signalisau, sa vegnir parcau duront la notg cun pagar la taxa correspondenta. Cunquei che las lubientschas per parcar duront la notg san vegnir reservadas duront 24 uras, metta la vischnaunca a disposiziun il sistem Mobile Payment ePark24. Cun ePark24 sa la taxa per parcar la notg vegnir pagada directamein sur il telefonin, u cun in SMS ni sur l’app e24sms. Attenziun: Il survetsch da SMS funcziunescha mo tier abonnaments da telefons svizzers tier ils quals la funcziun "Premium SMS" ei tschentada en. Ils cuosts per registrar la numera dil vehichel cun in SMS vegnan engraviai sur Vies quen da telefon. En cass che Vus duvreis l’app e24sms, saveis Vus tschentar el parameter dall’app differents mieds da pagaments sco Twint, diversas cartas da credit e la carta da PostFinance. Per omisduas metodas – SMS ed app – vegn sefundau sin la numera dil vehichel. Informaziuns pertuccont il pagar cun SMS ni cun app anfleis Vus sin las tablas blauas els loghens dils parcadis publics.

Vuleis Vus buca far diever da ePark24, saveis Vus sevolver directamein tier l’administraziun communala, per telefon 081 920 60 00 duront las uras da biro ni persunalmein duront las uras da spurtegl. En mintga cass eis ei d'indicar la numera dil vehichel. Sche Vus sedecidis per la via sur e-mail ad info@lumnezia.ch, sto vegnir indicau la numera dil vehichel, il num, l’adressa e las datas dall’arrivada e partenza, pia il cuoz per il diever da parcar. L’administraziun communala registrescha Vossas datas el sistem electronic e24 e tarmetta il quen cun la taxa a Vossa adressa. Nus supplichein da risguardar che Vos e-mails vegnan buc elavurai naven da sonda entochen dumengia sco era duront ils firaus (firaus locals). La vischnaunca surprenda negina responsabladad per las multas che vegnan cumpartgidas duront quei temps. Per quei motiv vegn supplicau da s’annunziar baul avunda tier la canzlia communala.
Ulteriuras informaziuns tier las taxas da parcar anfleis Vus cheu.

Cheu vegnis Vus tier la app e24sms

Contact
Kontakt
Dateiliste
Uras da spurtegl e survetsch da telefon
Kontakt

Survetsch da spurtegl

Gliendisgis
08:30 - 11:30
14:00 - 18:00

Margis, mesjamna, gievgia
08:30 - 11:30
15:00 - 17:00

Venderdis
08:30 - 11:30
14:00 - 16:00

ni tenor cunvegnientscha

Survetsch da telefon

Gliendisgis
08:00 - 12:00
13:30 - 18:00

Margis, mesjamna, gievgia
08:00 - 12:00
13:30 - 17:00

Venderdis
08:00 - 12:00
13:30 - 16:00

Dateiliste