Vischnauncas da padrinadi

Ils contacts amicabels dalla vischnaunca Lumnezia cun sias vischnauncas da padrinadi Herrliberg, Sissach, Unterengstringen e Zollikon existevan gia avon la fusiun. Cun la fusiun dalla vischnaunca Lumnezia ein ils padrinadis era vegni surpri e las amicezias vegnan tgiradas vinavon cun organisar regularmein inscunters e visetas vicendeivlas dallas suprastonzas communalas.

Las contribuziuns vegnan impundidas per purschidas che vegnan dabien ton ad indigens sco era als hosps: Urdeins per plazzas da giug, punts, sanaziuns dad ovras publicas ed auter pli.

Informaziuns dallas vischnauncas da padrinadi dalla Lumnezia anfleis Vus sillas suandontas paginas.

www.herrliberg.ch

www.sissach.ch

www.unterengstringen.ch

www.zollikon.ch

La vischnaunca Lumnezia vegn sustenida dil Padrinadi svizzer per vischnauncas da muntogna cun contribuziuns finanzialas per la realisaziun da projects.

www.patenschaftberggemeinden.ch